Profesori britanik: Lufta Rusi-Ukrainë mund të vazhdojë dhe vitin e ardhshëm

Lufta në Ukrainë ka gjasa të vazhdojë të paktën vitin e ardhshëm, sipas një instituti kërkimor për mbrojtjen dhe sigurinë në Mbretërinë e Bashkuar.

Ndërsa afrohet njëvjetori i pushtimit rus, profesor Malcolm Chalmers, zëvendësdrejtor në Institutin Mbretëror të Shërbimeve të Bashkuara (RUSI), thotë se Perëndimi duhet të mbështesë një kundërofensivë nga Ukraina në muajt e ardhshëm.

“Kjo është për të siguruar që Kievi të jetë i pozicionuar mirë për të luftuar një luftë të gjatë, sepse shanset që kjo luftë të përfundojë këtë vit janë shumë të vogla”, tha ai më herët në programin Today të BBC Radio 4.

As Ukraina dhe as Rusia nuk kanë një avantazh ndaj tjetrës për momentin, tha ai. Ai shtoi se raportet se inteligjenca perëndimore tregon se Rusia po grumbullon avionë brenda distancës goditëse të Ukrainës janë një shqetësim, por jo një emergjencë.

“Nuk ngjan aspak me kapjen në shkallë të gjerë të territorit ukrainas që e pamë në fazat fillestare të pushtimit, jo më pak sepse ukrainasit tani janë të mobilizuar dhe të përgatitur dhe duke luftuar shumë fort për territorin e vet”, tha Chalmers.

“Është gjithashtu rasti që Rusia po humbet shumë njerëz dhe shumë pajisje dhe ekziston një pyetje e vërtetë se sa mund të mbajnë një ofensivë për një periudhë të gjatë”, shtoi ai.

LEXONI GJITHASHTU: 

• Dhunoi brutalisht të riun, kush është oficeri i policisë në Pogradec
• Hoxha: Rama njëlloj si Berisha, ja pse nuk është shpallur ende ‘non grata’ nga SHBA