Dhunoi brutalisht të riun, kush është oficeri i policisë në Pogradec

Korrespondenti i Euronews Albania, Xhensil Shkëmbi raportoi nga Pogradeci aty ku një oficer policie ka dhunuar një të ri të qytetit brenda ambienteve të një pallati.

Gazetari u shpreh se personi i dhunuar është Ervin Norolla, ndërsa polici quhet Gjergji Riza.

Ky i fundit është një oficer policie i pezulluar edhe më parë nga radhët e Policisë së Shtetit.

Sipas gazetarit Riza ka shfaqur probleme me kujtesën dhe ka kërkuar të largohet nga radhët e policisë për të dalë në kemp, por kërkesa e tij nuk është miratuar.

“Deri në këto momente bëhet me dije, nga informacione shumë kofidenciale brenda drejtorisë së Policisë Vendore të Korçës se polici Riza ka qenë njëherë i pezulluar. Gjergji Riza prej disa kohësh ka shfaqur probleme dhe me kujtesën. Për shkak të gjendjes shëndetësore ai është transferuar nga Pogradeci drejt Korçës, ndërkohë që oficeri i policisë ka kërkuar të dalë në kemp, kërkesë që nuk është miratuar,” – u shpreh Shkëmbi.

Theksojmë se ende nuk ka asnjë reagim zyrtar për ngjarjen. Arsyet e dhunimit nuk dihen, ndërsa polici vijon në detyrë.

LEXONI GJITHASHTU:

• Pamje të rënda, oficeri mbështet pas murit dhe dhunon me shpulla të riun (VIDEO)