Progresi në Kosovë e Shqipëri, KE: Vendet të forcojnë sundimin e ligjit

Komisioni Europian kërkon nga Shqipëria dhe Kosova të shtojnë përpjekjet e tyre për të forcuar sundimin e ligjit dhe për të mbrojtur fjalën e lirë. Në raportet e dërguara, për të dy vendet nuk mungojnë as vlerësimet, veçanërisht në klimën e biznesit.

Komisioini Europian publikoi të mërkurën raportet vjetore të progresit për vendet që synojnë anëtarësimin në BE.

Në dokumentin për Kosovën thuhet se autoritetet e vendit mbeten të përkushtuara në rrugën drejt integrimit evropian, pas aplikimit për anëtarësim në dhjetor 2022.

Heqja e vizave këtë vit për qytetarët e Kosovës konsiderohet arritje në raport, ndërkohë që trajtohet gjatë edhe raporti i nderë që ka vendi me qeverinë Serbe.

Në këto pika, Shqipëria ka avancuar ndër vite, çka në raportin për vendin tonë shihen se me notë pozitivë në hapin drejt integrimit.

Edhe në luftën kundër krimit të organizuar dhe klimës së biznesit është bërë përparim nga të dy vendet.

Megjithatë, Komisioni Europian kërkon nga të dy shtetet të  intensifikojnë përpjekjet e për të forcuar sundimin e ligjit e administratën publike, si dhe për të mbrojtur lirinë e shprehjes, veçanërisht lirinë e medias.

Raporti i përbashkët për të dy vendet dërgohet në një moment kur Shqipëria ka hapur kapitullin e parë për çeljen e negociatave, ndërsa Kosova si një shtet i ri po aspiron që të plotësojë kushtet më shpejt për t’u bërë pjesë e Unionit.

LEXONI GJITHASHTU:

• SHBA sanksionon firmat serbe e malazeze për shkak të mbështetjes të luftës së Rusisë
• Bankers mbështet Bashkinë e Roskovecit në projekte kyçe infrastrukturore