“Projekt madhor harta e re gjyqësore”, kryetarja e KLGJ raporton në Kuvend

Kryetarja e Këshillit të Lartë Gjyqësor, Naureda Llagami, ka paraqitur në Kuvend raportin e institucionit që drejton për vitin 20222.

Në fjalën e saj ajo theksoi se projekt madhor gjatë vitit 2022 ka qenë zbatimi i hartës së re gjyqësore.

Më tej ajo tha se nga kjo hartë kanë marrë efektet e para.

“Një tjetër përparësi referuar rekomandimit numër 2 të rezolutës së Kuvendit ishte plotësi i vendeve vakante në Gjykatën e Posaçme të Apelit t për korrupsion dhe krimin e organizuar dhe në Gjykatën e Shkallës së Parë. Janë sjellë 7 gjyqtarë të rinj në këto gjykata përmes ngritjes në  detyrë dhe skemës së delegimit.

Aktualisht në Gjykatën e  Apelit për Korrupsion dhe Krimin e Organizuar ushtrojnë funksion 10 gjyqtarë, ku katër janë gjyqtarë të rinj. Ndërsa në Gjykatën e Posaçme të shkallës së parë për korrupsion dhe krimin e organizuar ushtrojnë detyrën 9 gjyqtarë. Tre kandidatura janë në proces shqyrtimi dhe 3 kandidatura janë në proces shqyrtimi.

Projekt madhor ka qenë zbatimi i hartës së re gjyqësore. Jemi në fillimin e marrjes së  efekteve të hartës së re gjyqësore”- tha ajo.

LEXONI GJITHASHTU: 

• Zelensky: Do të fitojmë, s’i tolerojmë pushtuesit
• Në Hagë hapet zyra ndërkombëtare për hetimin e luftës në Ukrainë