Projektligji për kanabisin/ Meta: Të kthehet pas, qeveria nuk është konsultuar më BE

Kreu i Partisë së Lirisë, Ilir Meta tha në një komunikim për mediat se është kundër miratimit të projektligjit për përdorimin e kanabisit për qëllime mjekësore. Ai tha se asnjë qytetar nuk mund të jetë i qetë nga miratimi i këtij ligji që sipas tij duhet të kthehet pas.

Meta ka shtuar gjithashtu se miratimi i projektligjit nga qeveria ka ardhur në një kojë kur situata e trafikut të drogës është më e rëndë se kurrë më parë dhe se kjo është bërë pa u konsultuar më parë me Bashkimin Europian.

“Me projektligjin për kanabisin qeveria detyrohet tu paguajë atyre për kontributin madhor. Kjo miratohet në një moment kur situata e trafikut të drogës ka qenë më e rëndë se kurrë ndonjëherë. Situata është e rëndë dhe qeveria e policia janë të kapura kokë e këmbë. Ka një dështim total në luftën kundër saj.

Përfaqësues të BE konfirmojmë se qeveria nuk është konsultuar me ta për një ligj të tillë. Është e qartë që legalizimi është legalizim i narkoshtetit që blen zgjedhjet dhe shpopullon vendin. Asnjë qytetar s’mund të jetë i qetë! Kthimi pas i këtij ligji, e vetmja mënyrë për të zmbrapsur murtajën që ka kapluar vendin”,-tha kreu i PL, Ilir Meta.

LEXONI GJITHASHTU:

• Luiza Gega hyn në histori, shpallet kampione evropiane në garën për 3 mijë metra
• Berisha flet për largimin e Yuri Kim: Duhet t’u kërkojë falje shqiptarëve