Protesta në Greqi për vrasjen e 16-vjecarit nga policia

Me mijëra qytetarë marshuan dhe protestuan në Selanik dhe Athinë, pasi një i ri 16-vjeçar nga komuniteti rom, i cili u qëllua nga policia humbi jetën.

Krerët e këtij komuniteti u kanë bërë thirrje protestuesve për qetësi, të cilët herë pas here përplasen me policinë.

Të paktën 23 protestues u ndaluan dhe 2 të tjerë u arrestuan në kryeqytetin grek.

Mes demonstruesve dhe oficerëve pati përplasje ku autoritetet përdorën gaz lotsjellës për të shpërndarë turmën.

Përplasje pati edhe në qytetin e Selanikut. Persona të maskuar sulmuan policinë, edhe në këtë qytet u ndaluan 32 demonstrues.

Protesta u ashpërsuan pas vdekjes së 16-vjecarit, i cili u qëllua gjatë ndjekjes nga policia sepse u largua pa paguar në një karburant.

I riu u dërgua në spital ku qëndroi në koma por më pas humbi jetën. Sipas protestuesve policia reagoi ashpër ndaj tij sepse i përkiste komunitetit rom duke akuzuar autoritetet për racizëm.

LEXONI GJITHASHTU:

• 4 të vdekur nga mbytja e varkës në kanalin e La Mansh, shpëtojnë 43 persona
• Bashkëpunimi Shqipëri-Britani, dakordësi në fushën e ekonomisë dhe të investimeve
• Salinanji: Berisha po lufton për interesa personale, po dëmton PD e opozitën