Protesta në Ukrainë, bëhet thirrje për rotacion në fushëbetejë

Në disa qytete të Ukrainës u zhvilluan gjatë së premtes protesta, ku manifestuesit, kryesisht gra, kërkuan pushim për ushtarë që ndodhen në fushëbetejë prej 18 muajsh. Ato këmbënulin se ushtarët kanë nevojë për rikuperim dhe propozojnë për rotacion të tyre në vijën e frontit.

“Ata janë psikologjikisht dhe fizikisht të lodhur. Ata nuk mund të qëndrojnë atje që prej fillimit të luftës dhe të na mbrojnë të gjithë ne ukrainasit. Ata kanë nevojë për pak pushim”- u shpreh një vajzë

Situata në vijën e frontit, megjithatë, nuk duket të jetë shumë e përshtatshme për një rotacion masiv të trupave. Ushtria ruse ka rritur presionin në Donetsk, duke u përpjekur të pushtojë të gjithë rajonin.

Ndërkohë në Kombetet e Bashkuara po ngrihen shqetësime për përshkallëzimin e mundshëm të dhunës për shkak të furnizimit të vazhdueshëm me armë dhe municione jo vetëm të Ukrainës, por edhe të Rusisë nga Irani dhe Korea e Veriut.

LEXONI GJITHASHTU: 

• Netanyahu kritikon zbulimin izraelit lidhur me sulmin e Hamas, më pas kërkon ndjesë
• “Izraeli të marrë kontrollin e Gazës”, Petreaus: Viktimat civile të pashmangshme