Është tensionuar situata para godinës së qeverisë së Kosovës, në protestën qytetare të zhvilluar pas vrasjes së Liridona Ademajt me porosi të bashkëshortit të saj, Naim Murselit.

Qindra qytetarë kërkojnë liri dhe barazi për gratë, teksa kanë mbajtur edhe fjalime pranë godinës së qeverisë në Prishtinë, e cila ishte e rrethuar me forca të shumta policie.

Qytetarët e pranishëm në protestë mbajnë në duar pankarta me mbishkrimet: “Gjykatat armike të grave”, “vrasësit e grave në burg”, “liri dhe barazi për gratë”, etj.

Kujtojmë se vrasja e Liridonës ka “trazuar” mbarë opinionin publik, edhe për shkak të dinamikës së ngjarjes, pasi fillimisht u raportua se ajo u vra gjatë një tentative grabitjeje dhe më pas rezultoi se vrasja ishte porositur nga bashkëshorti i saj.

LEXONI GJITHASHTU:

• “Gjykatat armike të grave”-Me pankarta në duar, nis protesta për vrasjen e Liridonës
• VIDEO| Lot dhe dhimbje, mbahet ceremonia e rivarrosjes së Liridona Ademit