Mijëra aktivistë u mblodhën mbrëmjen e së shtunë në qendër të Tel Avivit duke kërkuar zgjedhje të parakohshme dhe një marrëveshje urgjente për lirimin e pengjeve izraelitë në Rripin e Gazës dhe ish-sekretarja amerikane Hillary Clinton iu drejtua protestuesve përmes lidhjes video.

“Ata janë bashkatdhetarët tanë, gra e fëmijë dhe duhet të lirohen menjëherë. Duhet të ndërmerren veprime urgjente për t’i kthyer ata në shtëpi”, tha Clinton.

Ambasadori amerikan në Izrael, Jack Lew i tha turmës se SHBA po vazhdon negociatat për kthimin e pengjeve, raporton The Times of Israel.

Demonstruesit bllokuan autostradën Ayalon dhe ndezën një zjarr, duke kërkuar një marrëveshje urgjente për kthimin e pengjeve nga Gaza.

Pasi protestuesit refuzuan të shpërndaheshin pas një tubimi të autorizuar, policia e shpalli atë një protestë të paligjshme dhe filloi të përdorte metoda të shpërndarjes së turmës për të pastruar kryqëzimin Azrieli, ku aktivistët bllokuan rrugët.

LEXONI GJITHASHTU:

• Izraeli akuzon Afrikën e Jugut për pretendime të rreme në GJND
• Izraeli do t’i përgjigjet akuzës për gjenocid në GJND pas kërkesës për armëpushim