Protestat në Serbi, politikani serb: Pse nuk po bie Vuçiç?

Politikani serb, Nenad Çanak i ftuar në emisionin “Balkan Talks” me Franko Egro ka folur lidhur me protestat që po zhvillohen në Serbi për tragjedinë në Novi Sad në 1-vjetorin e incidentit. Çanak u shpreh se qytetarët nuk i besojnë opozitës. Ai shtoi se në një situatë ku Rusia minon të ardhmen e Serbisë në rrugën e saj evropiane, protestuesit e kanë të vështirë të kthehen në organizatë politike.

“Qytetarët nuk i besojnë opozitës, nga ana tjetër nuk duhet nënvlerësuar forca e agjenturës ruse e cila po minon çdo opsion pro evropian në Serbi. Kjo është arsyeja se përse ata po minojnë dyshimet që Serbia të përjetoje një ndryshim që do ta çonte drejt Evropës.

Rusëve u nevojitet Serbia, që të jetë një lloj Bjellorusi në Ballkan, një lloj fare e destabilitetit në rajon. Krijimi i destabilitetit është roli i Serbisë pasi është mënyra e vetme që Kremlini të devijojë vëmendjen nga lufta në Ukrainë dhe luftërat e tjera nëpër botë. Kjo është arsyeja se për se është e vështirë që protestuesit të kthehen në organizatë politike në Serbi”, u shpreh ai.

LEXONI GJITHASHTU:

• Serbia përkujton viktimat e Novi Sad, protestat studentore “lëkundin” Vuçiçit
• “2 mijë plumba”, si u shndërrua përpjekja për ta falur gjakun në tragjedi në Greqi?