Protestë në Gjermani, aktivistët çojnë tankun në portën e ambasadës ruse

Aktivistët në Gjermani kanë protestuar në mbështetje të Ukrainës duke dënuar agresionin rus në 1 vjetorin e nisjes së luftës.

Në mënyrë simbolike ata parkuan një tank të shkatërruar e të ndryshkur përballë ambasadës ruse në Berlin.

Tyta e tankut u drejtua në pozicioni nga porta e hyrjes së ambasadës, duke sjellë një imazh të fushës së betejës në qendër të kryeqytetit gjerman.

“Tanku i thyer nënkupton rënien. Ukraina do të jetë Stalingradi i Putinit,” tha Wieland Giebel, kurator i muzeut Berlin Story Bunker.

Tanku, një T-72 B1 rus, u shkatërrua më 31 mars 2022, afër fshatit Dmytrivka pranë Kievit, nga një minë antitank.

Organizatorët thanë se mjeti luftarak u transferua në Gjermani me ndihmën e Ministrisë së Mbrojtjes të Ukrainës dhe Muzeut Kombëtar të Historisë Ushtarake.

Zyra e bashkisë së Berlinit refuzoi kërkesën e Lenze dhe Giebel për të ekspozuar tankun vitin e kaluar, duke argumentuar me cënimin e sigurisë rrugore. Por në 1 vjetorin e nisjes së luftës autoritetet lokale në Berlin kanë dhënë lejen për ekspozimin e tankut.

LEXONI GJITHASHTU:

• Suedia do të dërgojë deri në 10 tanke Leopard dhe sisteme kundërajrore në Ukrainë
• 1 vit pas luftës i rrafshuar nga bombardimet, ky është qyteti-fantazmë i Ukrainës