“Provova In Vitro 3-4 herë por nuk ia dola”, nëna tregon sfidat për një fëmijë

Rudina Dahri është bërë me fëmijë në moshën 46-vjeçare pas përpjekjeve të shumta në 15 vite. Ajo tregon se për të ka qenë një nga sfidat më të mëdha për t’u bërë nënë dhe një nga synimet e saj kryesore në jetë.

Në një intervistë për emisionin “Good Morning Albanians” në Euronews Albania, ajo tregoi se ka provuar 3-4 herë metodën in vitro në mënyrë që të bëhet me një fëmijë, por që të gjitha kanë dështuar.

Ajo theksoi se pas dështimit të të gjithë metodave për të pasur një fëmijë, ajo nuk shpresonte më.

“Pritëm disa vite së bashku me  bashkëshortin, më pas iu nënshtruam procedurave in vitro dhe nuk më rezultoi me sukses. Aty ishte dështimi më i mash i jetës time , se mendova se këtu mbaroi jeta ime. Isha 34-vjeç, kur provova in vitro. Kam bërë disa herë in-vitro dhe në të gjitha rastet kanë dështuar. Unë nuk shpresoja më”-tha ajo.

Pavarësisht kësaj ajo tashmë ka një fëmijë që gëzon shëndet të plotë. Djali që erdhi në jetë në mënyrë natyrale ka emrin Dreni.

LEXONI GJITHASHTU: 

• Merrni çadrën me vete, parashikimi i motit për këtë javë
• 6 muajsh shtatzënë e nuk e dinte, 46-vjeçarja bëhet nënë pas 15 vitesh përpjekje