PS fiton në Kombinat dhe në zonën e Astirit, Belind Këlliçi i gëzohet rritjes së PD-së

Kandidati i 10-të i listës së PD-së për Tiranën, Belind Këlliçi është treguar entuziast për rritjen në vota të partisë të cilën ai përfaqëson, për zonën e Kombinatit dhe Unazës së Re, aty ku partia më e madhe opozitare ka siguruar 9854 vota.

Edhe pse PS ka fituar në KZAZ Nr.36 që përmbledh zonat e Kombinatit dhe Unazës së Re, Këlliçi i është gëzuar rritjes së PD-së në këtë zonë, me 3055 vota më shumë se në zgjedhjet e 2017-ës.

Ai ka falenderuar të gjithë qytetarët që kanë besuar te alternativa e PD-së, duke rritur votat me 44% dhe ka shprehur mirënjohjen për ta, për çdo demokrat dhe për çdo shqiptar.

”Në mbyllje të numërimit në KZAZ 36, falenderoj me zemër qytetarët e Kombinatit dhe Unazës së Re, që besojnë tek alternativa jonë, duke rritur votat tona me 44%, nga 6938 në 9993. 3055 zëra të rinj për ndryshim, që presin bashkë me ne, numërimin e plotë të çdo vote. Mirënjohje çdo qytetari, çdo demokrati, çdo shqiptari! Faleminderit! Belindi’’, shkruan Këlliçi në profilin e tij në Facebook.

Kujtojmë që më herët, në një deklaratë nga kjo KZAZ, kandidatja e PS-së, Belinda Balluku u shpreh se partia e saj ka fituar në këtë zonë prej fushatës efikase dhe punëve të bëra për komunitetin.