‘PS ka një siklet në Tiranë’, Hitaj: Rama i pakënaqur me Spiropalin, nuk punoi sa duhet me gjermanët

Gazetari Arbër Hitaj komentoi në emisionin Review, në Euronews Albania ndryshimet e paraqitura nga kryeministri Edi Rama në Asamblenë e PS lidhur me drejtuesit e qarqeve.

Sipas tij, këto ndryshime tregojnë qartazi se PS ka një problem të madh në Tiranë, ku edhe në zgjedhjet e fundit lokale fitoi me një diferencë jo shumë të madhe.

Hitaj komentoi edhe qëndrimin e kryeministrit ndaj ish-ministres së Jashtme Elisa Spiropali ndaj të cilës siç tha, kreu i qeverisë ka pakënaqësi.

‘Një një siklet PS në optikën time në kryeqytet. Dhe mesa duket këtu është ndryshimi më i madh që ka bërë Rama, të tjerat janë ndryshime kozmetike. Nikolla rikthehet te njësia 1, e ka rizgjuar nga gjumi politik se nuk ka bërë asnjë dalje publike që kur iku nga Kuvendi, ka qenë një nga të preferuarat e Ramës. Shumica e emrave janë anonimë, nuk kanë asnjë dalje për media. Spiropali vjen nga Shkodra, suksesin e fundit politik e kishte në Shkodër, nuk ka arritur ndonjë gjë politiksht. Ka një pakënaqësi nga Rama, për shkak të mosvëmendjes së duhur ndaj Gjermanisë, e kemi parë në Ukrainë dhe Kosovës, por sfida e PS është me Gjermaninë. Peleshi gjëja e fundit që ka bërë është të takohej me kreun e Bundestagut gjerman’, tha Hitaj.