Deputeti i Partisë Socialiste, Blendi Klosi deklaroi se puna dhe menaxhimi që është bërë në Tiranë, janë arsye pse kryebashkiaku, Erion Veliaj duhet të kandidojë për herë të tretë.
Në emisionin “Now” në Euronews Albania, Klosi u shpreh se ky është mendimi në tërësi brenda Partisë Socialiste.
“Edi Rama e ka thënë shprehimisht, ne nuk kemi asnjë vendim, por nuk gjej asnjë arsye pse Erion Veliaj të ndërrohet në Tiranë. Ky është fakt, puna që është bërë në Tiranë, mënyra si është menaxhuar qyteti, mënyra si është zhvilluar qyteti, janë kredite shumë të forta të Erion Veliajt për të kandiduar për herë të tretë në qytet. Kështu e mendojmë ne”, theksoi ai.
Disa javë më parë, kryeministri Edi Rama tha në “Now” se Partia Socialiste nuk ka kandidaturë më të mirë se kryebashkiaku, Erion Veliaj, për zgjedhjet e ardhshme lokale në Tiranë.
Rama nënvizoi se për kandidatët vendos Kryesia e PS-së.
LEXONI GJITHASHTU
- ‘Mos shpif, kur të kesh qejf’, Myslim Murrizi replikon me Frrok Çupin
- Klosi: E vërteta e akuzave se Dritan Leli po punon kundër PS në Vlorë
- “Fushatë me gliko dhe hotele me 5 yje”, replika të forta Klosi-Koka
