PSG shkon në finale të Kupës në Francë, Mbappe vulos kualifikimin

Trofeu i kupës së Francës do të shkojë për një mes PSG-së dhe Lionit, dy ekipet të cilat ndeshen me njëra-tjetrën në finale. Një rivalitet i madh mes tyre, me qëllimin e vetëm fitimin e trofeut. Parizienët janë skuadra e dytë e kualifikuar pas fitores në gjysmëfinale mbrëmjen e së mërkurës ndaj Rennes. Të besuarit e Luis Enrique e patën jo të lehte të siguronin biletën, me përballjen që regjistroi vetëm një gol.

Mbappe ishte heroi i kryeqytetasve, me yllin francez i cili në minutan e 37’ kishte shansin ideal për të zhbllokuar rezultatin me anë të një penalltie, por goditja e tij u ndal nga portieri Mandanda, i cili ishte dhe lojtari më i vlerësuar në kampin mik. 3 minuta më pas do të ishte dhe një herë tjetër Mbappe, i cili mori topin në zotërim e iu drejtua portës kundërshtare, e në pozicion diagonal nga e majta, gjuajti duke e ndalur topin në rrjetë.

Fraksioni i dytë prodhoi disa raste shënimi, por pa ndryshuar më tej rezultatin, me gjysmëfinalen që u mbyll me fitoren minimale të parizienëve. Në finale i pret Lioni i cili më herët fitoi në shifrat 3-0 ndaj Valenciennes. Në 5 përballjet e fundit mes tyre, PSG ka fituar 3, Lioni 1 dhe 1 ndeshje është mbyllur në barazim.

LEXONI GJITHASHTU:

• Bayern mposhtet në “Allianz Arena”, çfarë po ndodh në Bundesligë
• Leverkusen i pamposhtur: Thellon rekordin, 40 ndeshje pa humbje