Një numër i konsiderueshëm vendesh ka dërguar forca speciale në territorin Ukrainas, për të luftuar kundër pushtuesve rusë.

Kështu thonë dokumentet e komunitetit amerikan të inteligjencës të publikuara online, që nëse rezultojnë të vërteta konfirmojnë atë që ka qenë subjekt i spekulimeve prej më shumë se një viti.

Dokumentet e publikuara, disas prej të cilave mbajnë vulën “top secret”, përmbajnë një pikëpamje të luftës në Ukrainë, si dhe detaje të rëndësishme për kundërofensivën e pranverës që po përgatit Kievi.

Sipas një prej dokumenteve që mbajnë datën 23 mars, Mbretëria e Bashkuar ka kontingjentin më të madh të forcave speciale në Ukrainë me 50 pjesëtarë, e ndjekur nga Letonia me 17, Franca me 15, Shtetet e Bashkuara me 14 dhe Holanda me 1.

Dokumenti nuk saktëson megjithatë se ku janë vendosur forcat speciale dhe as se çfarë bëjnë ato. Prania e tyre në Ukrainë ka gjasa të merret në konsideratë nga Moska, që në muajt e fundit ka deklaruar se nuk është në luftë vetëm me Ukrainën, por edhe me NATO-n.

Por zëvendës ministri i Jashtëm rus, Sergey Ryabkov nuk e ka përjashtuar mundësinë që dokumentet amerikane të jenë false dhe të publikuara qëllimisht për të çorientuar Rusinë.

“Nuk kemi një qëndrim për këtë. Ndoshta këto dokumente janë interesante për dikë, por nëse bëhet fjalë për dokumente false, atëherë ndoshta është një provokim i qëllimshëm”, deklaroi Ryabkov të mërkurën për gazetarët.

LEXONI GJITHASHTU: 

• “Escobar kusht Metës”, Ngjela: Çfarë i tha diplomati i SHBA-së kreut të PL-së
• Sulmonte njerëzit që s’i jepnin para, lypësi i dhunshëm përfundon në pranga