Publikoi raportin kundër UÇK, ndahet nga jeta ish-senatori Dick Marty

Ish-senatori dhe prokurori zviceran Dick Marty ka nërruar jetë këtë të enjten në moshën 78-vjeçare, konfirmoi partia e tij.

Sipas mediave të huaja, Marty ka lindur në kantonin jugor italishtfolës të Ticinos, ku shërbeu si zëvendësprokuror publik, më pas prokuror publik nga viti 1975-1989. Ai ishte anëtar i qeverisë kantonale të Ticinos nga viti 1989 deri në 1995.

I zgjedhur në Senatin Zviceran në vitin 1995, ai ishte anëtar i Partisë Radikale të qendrës së djathtë. Ai dha dorëheqjen në vitin 2011. Ndër nismat e tij ishin instalimi i një prokurori federal të pavarur dhe dekriminalizimi i abortit.

Kjo përmbajtje është publikuar më 14 nëntor 2023. Në librin e tij të ri, ish-senatori dhe prokurori zviceran Dick Marty hedh një vështrim prapa në krizat ekonomike dhe politike që kanë goditur Zvicrën.

Ai u zgjodh në asamblenë parlamentare të Këshillit të Evropës në vitin 1999 dhe kryesoi Komisionin për Çështjet Ligjore dhe të Drejtat e Njeriut nga viti 2005 deri në 2008. Ai doli në pension në vitin 2011.

Në emër të komitetit, ai hetoi burgjet sekrete të CIA-s në Evropë, duke publikuar një raport në vitin 2006 që thoshte se 14 vende kishin bashkëpunuar me SHBA-në në “rrjetën e merimangës” të abuzimeve të të drejtave të njeriut. Marty tha se vende të tjera, përfshirë Zvicrën, ishin përfshirë në mënyrë aktive ose pasive në ndalimin ose transferimin e personave të panjohur.

Në vitin 2010 ai publikoi një raport mbi trafikimin e dyshuar të organeve në Kosovë, i cili implikonte anëtarë të rangut të lartë të Ushtrisë Çlirimtare të Kosovës (UÇK).

LEXONI GJITHASHTU:

• Apeli i Speciales ul dënimin me 26 vjet burg për ish-komandantin e UÇK-së
• Ndërron jetë avokati i Kadri Veselit, shtyhet gjyqi për ish-krerët e UÇK në Hagë