Pulovra e Lady Diana del në ankand, pritet të shitet për më shumë se 80 mijë dollarë

Një pulovër e kuqe  me delen e zezë e veshur nga princesha Diana pritet të shitet në ankand për më shumë se 50,000 dollarë.

Në atë kohë  19-vjeça Lady Diana Spencer u fotografua me  këtë pulovër  në një ndeshje polo në qershor 1981, menjëherë pas fejesës së saj me Princin Charles, i cili në atë kohë ishte trashëgimtar i fronit britanik.

Delja e zezë e cila shfaqet në pulovër shpeshherë është përdorur për të karakterizuar karakterin e saj rebel.

Diana shpejt u shndërrua një ikonë  stili – dhe një nga vajzat më të fotografuara në botë. E zbuluar rastësisht ne muajin mars në një magazinë pas rreth 40 vitesh, pulovra e Lady Dianës është dizajnuar nga marka britanike warm & wonderful .

Pulovra  çmim i  së cilës mund të arrij  deri në 80,000 dollarë, do të shfaqet në ekspozitën e Sotheby’s në Nju Jork nga  data 7 deri më 13 shtator. Ndërsa oferta online hapet më 31 gusht dhe zgjat deri më 14 shtator.

Kujtojmë se një fustan i princeshës është shitur në ankand për 604 mijë dollarë.

LEXONI GJITHASHTU:

• Dalin në ankand fotot e rralla të princeshës Diana me William-in foshnje
• Del në ankand fustani i preferuar i Princeshë Dianës, sa do të jetë çmimi