Pushtimi rus nuk e ndal futbollin në Ukrainë, kampionati rifillon në gusht

Presidenti i Federatës së Futbollit të Ukrainës (UFA),  Andriy Pavelko deklaroi se kampionati futbollistik për meshkuj dhe femra në vend, do të rifillojë në muajin gusht.

Pavelko pranoi se nuk ishte i sigurt se si do të organizoheshin ndeshjet për shkak të pushtimit rus.

“Kam folur me presidentin tonë, Volodymyr Zelenskyy, se sa i rëndësishëm është futbolli. Futbolli ka një fuqi të madhe për të ndihmuar njerëzit dhe për të menduar për të ardhmen”, tha Pavelko për Associated Press.

Ai u shpreh se në lidhje me këtë vendim ka informuar presidentët e UEFA-s dhe FIFA-s.

Disa stadiume në Ukrainë janë dëmtuar nga lufta, ndërsa të tjera janë duke u përdorur si baza për ndihma humanitare.

LEXONI GJITHASHTU

• FOTO | Stadiumi i Vjenës në terr, Austri-Danimarkë nisi me 30 minuta vonesë
• Macron: Këshillova Mbappe që të refuzonte ofertën e Real Madrid