Putin betohet si President i Rusisë: Të gatshëm të punojmë me Perëndimin!

Vladimir Putin është betuar zyrtarisht si President i Rusisë, duke shënuar fillimin e mandatit të tij të pestë në detyrë, pas fitores në zgjedhje.

Sipas mediave të huaja, në ceremoninë brenda Pallatit të Madh të Kremlinit, Putin vendosi dorën e tij mbi Kushtetutën ruse dhe u zotua se do ta mbronte atë, ndërsa një turmë personalitetesh të zgjedhura e shikonte.

Mandati i tij i ri, hera e tretë radhazi që ai zgjidhet, do ta mbajë atë në pushtet deri në vitin 2030.

Gjatë fjalës së tij në këtë ceremoni, Putin duke vënë në shënjestër Perëndimin, tha se Moska nuk po refuzon një dialog me vendet perëndimore për të punuar me Rusinë.

Ai tha se Rusia është e gatshme të bëhet një partner “i ndershëm” me këdo që është i gatshëm.

“Ne as nuk po refuzojmë dialogun me vendet perëndimore”, tha ai gjatë fjalimit të tij të inaugurimit në Moskë.

“Ne do të shohim nëse ata do të vazhdojnë të ndalojnë zhvillimin e vendit tonë dhe të vazhdojnë të ushtrojnë presion mbi vendin tonë ose të kërkojnë mënyra për të bashkëpunuar me ne”, tha Putin.

LEXONI GJITHASHTU:

• Putin thirrje ushtarëve: Nisni stërvitjen për përdorimin e armëve bërthamore taktike
• Analiza: Mandati i ri i Putinit, një epokë me fuqi të jashtëzakonshme