“Putin do që të jetojë”- Zyrtari ukrainas: S’ka gjasa që të shtypë butonin bërthamor

Sekretari i Këshillit të Sigurisë Kombëtare të Kievit ka thënë se Presidenti i Rusisë, Vladimir Putin mund të autorizojë përdorimin e një arme bërthamore taktike, nëse ushtria ruse përballet me disfatën në Ukrainë.

Sipas mediave të huaja, zyrtarët rusë kanë bërë kërcënime të shpeshta për të lëshuar armë bërthamore që nga fillimi i pushtimit të Ukrainës në shkurt 2022.

Oleksandr Lytvynenko i tha Times se ai nuk besonte ta shihte Putinin duke vendosur armë bërthamore.

Megjithatë, i pyetur nëse kishte ndonjë rrethanë në të cilën Putin mund të urdhëronte përdorimin e tyre, Lytvynenko tha: “Ne nuk mund të përjashtojmë asgjë, nëse Rusia është në prag të një disfate katastrofike.”

Lytvynenko shtoi se ende nuk ka gjasa që Putin të shtypë butonin bërthamor dhe pothuajse me siguri të shkaktojë një luftë të tretë botërore.

“Ai dëshiron të jetojë,” tha ai në përfundim të fjalës së tij.

LEXONI GJITHASHTU:

• SHBA, Ukraina dhe NATO refuzojnë ofertën e Putin për paqe
• Propozimi i Putin për Paqe në Ukrainë, reagon Gjermania