Putin do të përdorë armë bërthamore? Biden: Kërcënimi është real 

Presidenti amerikan Joe Biden tha se kërcënimi se presidenti rus Vladimir Putin mund të përdorë armë bërthamore është “real”.

“Kur isha këtu dy vjet më parë dhe thashë se isha i shqetësuar për tharjen e lumit Kolorado, të gjithë më shikonin sikur isha i çmendur,” i tha Biden një grupi donatorësh të hënën në Kaliforni.

Ai shtoi se e kanë parë njësoj edhe kur tha se ishte i shqetësuar se Putini mund të përdorte armë taktike bërthamore.

“Kjo mundësi është reale,” tha Biden.

Presidenti i Bjellorusisë, Aleksandër Lukashenko, tha javën e kaluar se vendi i tij kishte filluar të përvetësonte armë bërthamore taktike ruse, disa prej të cilave janë tre herë më të fuqishme se bombat atomike të hedhura nga SHBA në Hiroshima dhe Nagasaki në 1945.

Në maj, Rusia hodhi poshtë kritikat e Bidenit për planin e saj për të vendosur armë bërthamore taktike në Bjellorusi, duke thënë se SHBA-ja ka vendosur armë të tilla bërthamore në Evropë për dekada.

LEXONI GJITHASHTU:

• Biden është i vendosur për anëtarësimin e Ukrainës në NATO
• A do arrestohet Putin nëse shkon në Turqi? Gazetari Brahaj jep detajet