Putin mbajti këtë të martë një fjalim në Moskë në lidhje me luftën në Ukrainë.
Presidenti rus vijoi të akuzojë Ukrainën për fillimin e luftës. Ai thotë se regjimi i Kievit siguroi artileri dhe armë të tjera për të sulmuar Donbasin në vitin 2014 dhe 2015 përmes bombardimeve.
“Ata filluan luftën dhe ne përdorëm forcën për ta ndaluar atë”, thotë Putin.
Ai shton se Rusia dëshiron vetëm “të mbrojë njerëzit dhe të mbrojë shtëpitë e tyre”.
“Ata shpenzuan 150 miliardë dollarë për të mbështetur ushtarakisht regjimin e Kievit.
Elitat e Perëndimit nuk i fshehin qëllimet e tyre; ta po përpiqen t’i shkaktojnë Rusisë disfatë strategjike”, tha Putin.
Gjithashtu, lideri rus tha se udhëheqësit perëndimorë kanë diskutuar furnizimin e Ukrainës me armë bërthamore përpara “Operacionit Special Ushtarak” të Rusisë.
Ai thotë se Perëndimi kishte dërguar tashmë pajisje të rënda ushtarake, avionë dhe sisteme mbrojtëse në Ukrainë.
“NATO po krijonte baza ushtarake dhe laboratorë biologjikë në kufijtë rusë”, tha Putin, duke pretenduar për një rrezik potencial që i vinte Moskës nga Ukraina dhe aleatët perëndimorë.
LEXONI GJITHASHTU: