Putin hap ekspozitë me armët e kapura në Ukrainë

Dhjetëra makineri luftarake perëndimore të kapura nga trupat rusë në Ukrainë ekspozohen në Parkun e Fitores, në Moskë.

Autoritetet në kryeqytetin rus po finalizojnë përgatitjet për festimet e ardhshme të Ditës së Fitores me pajisje të shumta ushtarake të kapura nga forcat ruse pasi iu dhuruan Ukrainës nga SHBA dhe aleatët e saj të NATO-s, në një ekspozitë madhështore që do të hapet  më 1 maji.

30 pjesë të blinduara nga 12 shtete do të ekspozohen për rreth 1 muaji , duke përfshirë armatimin e prodhuar ose të furnizuar nga SHBA, Mbretëria e Bashkuar, Gjermania, Franca, Republika Çeke, Suedia, Austria dhe Australia.

Gjithashtu, sipas mediave ruse në muze  shfaqen dhe armatime që ishin dhuruar për Ukrainën nga Turqia, Çekia, Afrika e Jugut, Finlanda, Australia dhe Austria.

Muzeu që në fakt duhet të përkujtonte kapitullimin e Gjermanisë në Luftën e Dytë Botërore është kthyer në një glorifikim për pushtimin rus në Ukrainë.

LEXONI GJITHASHTU:

• Qëllimi i Putin nuk është Ukraina por Evropa, paralajmëron ministri gjerman
• Putini njofton se do ta vizitojë Kinën në maj