Putin: Jemi pro dialogut, por interesat e Rusisë janë të panegociueshme

23 Shkurt 2022 | 10:42

Presidenti rus Putin tha në një video-mesazh të mërkurën se interesat e Rusisë janë “të panegociueshme”, megjithatë ai është i hapur për dialog për të zgjidhur “problemet më të vështira”.

“Ne shohim se sa e vështirë po bëhet situata ndërkombëtare, çfarë rreziqesh paraqesin sfidat aktuale si dobësimi i sistemit të kontrollit të armëve apo aktiviteti ushtarak i bllokut të NATO-s”, u shpreh Putin në një video të publikuar nga Kremlini për festën kombëtare.

Putin tha se thirrjet e Rusisë për të ndërtuar një sistem sigurie “të barabartë dhe të pandarë që do të mbronte në mënyrë të besueshme të gjitha vendet”, mbeten pa përgjigje.

Presidenti rus tha se Rusia ka deklaruar gjithmonë se është e hapur për dialog të drejtpërdrejtë dhe të ndershëm, për gjetjen e zgjidhjeve diplomatike për problemet më të vështira.

“Por po e përsëris: interesat e Rusisë dhe siguria e qytetarëve tanë janë të panegociueshme për ne”, theksoi ai.

Kjo deklaratë e Putin vjen dy ditë pasi njohu pavarësinë e dy rajoneve separatiste në Ukrainë dhe një ditë pasi mori miratimin nga Parlamenti rus për të përdorur ushtrinë jashtë vendit. Këto ngjarje kanë nxitur shqetësime në Perëndim, duke i detyruar vendet që të shtojnë sanksionet ndaj Rusisë.

Home Kryefaqja
Shiko në: YouTube
Lajme të Sugjeruara

Shtetësia nga lindja në SHBA, ekspertët: Trump mund të “shpërfillë” vendimin e Gjykatës

Një nga nismat kryesore të Donald Trumpit në fillim të mandatit të tij të dytë ishte përpjekja për të ndryshuar interpretimin e Amendamentit të 14-të...
22:21 | 02/07/2026

Droni rus përplaset në pishinën e mbyllur në Zaporizhia, katër të plagosur (VIDEO)

Një video e kamerës së sigurisë ka kapur momentin kur një dron rus përplaset në çatinë e një pishine të mbyllur në Zaporizhia të enjten pasdite, ndërsa disa persona po notonin....
22:17 | 02/07/2026

Sulmi masiv rus mbi Kiev, shkatërrohet plotësisht depoja humanitare e Kryqit të Kuq ukrainas

Një sulm i madh rus gjatë natës së 2 korrikut ka goditur Kievin dhe zonat përreth, duke shkatërruar plotësisht një depo humanitare të Kryqit të...
22:09 | 02/07/2026