“Presidenti rus Vladimir Putin nuk mund të fitojë më në fushën e betejës, kjo duket e qartë.”

Kështu u shpreh të mërkurën kancelari gjerman Olaf Scholz në lidhje me luftën në Ukrainë, shkruan DW.

Në një konferencë të përbashkët për shtyp me homologun qiprioy, Nikos Anastasiadis në Berlin, Scholz bëri thirrje për një fund të menjëhershëm të “terrorit të bombardimeve të Rusisë kundër popullsisë civile”.

“Nuk është vetëm e padurueshme, por një shkelje e hapur e ligjit ndërkombëtar që Rusia ka hedhur raketa duke dëmtuar infrastrukturën civile në Ukrainë për javë të tëra,” tha Scholz.

Kancelari theksoi gjithashtu, se veprimet e Rusisë treguan edhe një herë sa i pamëshirshëm është Putin.

Më herët gjatë ditës së mërkurë, Ukraina ka raportuar për ndërprerje të mëdha të energjisë elektrike, për shkak të sulmeve ajrore ruse në infrastrukturën e energjisë.

LEXONI GJITHASHTU

• Terr në Ukrainë e Moldavi, 70 raketa ruse rrafshojnë impiantet elektrike
• Sulmi rus godet martenitetin në Ukrainë, vdes foshnja e sapolindur
• ‘Lufta’ e dytë e Ukrainës: Pas bombardimeve vjen dimri, mes acarit dhe sëmundjeve