Putin: Pikat e SHBA-së mbi Ukrainën mund të jenë baza e marrëveshjes së ardhshme

Moska në përgjithësi pajtohet që lista e pikave të SHBA-së mbi Ukrainën mund të formojë një bazë për marrëveshjet e ardhshme, u tha gazetarëve presidenti rus Vladimir Putin.

Sipas tij, në përgjithësi Rusia pajtohet që plani mund të jetë baza për marrëveshjet e ardhshme.

“Do të ishte e pahijshme nga ana ime të flisja për ndonjë opsion përfundimtar tani, pasi nuk ka asnjë. Por disa gjëra janë themelore”, tha Putin.

Pala amerikane e merr në konsideratë në disa mënyra qëndrimin e Rusisë, i cili u diskutua para dhe pas Anchorage-it, vuri në dukje ai.

“Diku duhet patjetër të ulemi dhe të diskutojmë seriozisht disa gjëra specifike.Duhet ta shprehim gjithçka me gjuhë diplomatike, sepse është një gjë të thuash në terma të përgjithshëm se Rusia nuk planifikon të sulmojë Evropën. Sinqerisht, kjo tingëllon qesharake. Ne kurrë nuk kemi pasur ndërmend ta bëjmë këtë. Por nëse duan ta dëgjojnë nga ne, mirë, në rregull, do ta deklarojmë për procesverbal, pa problem”, tha ai.

LEXONI GJITHASHTU:

• Merz: Putin mund ta përfundoj luftën brenda pak minutash nëse do vërtet
• Rusia njofton mbylljen e konsullatës polake pas akuzave për sabotim hekurudhor