Putin shtron tapetin e kuq për Xi, çfarë mund të diskutohet ditën e dytë të takimit
Në ditën e dytë të vizitës e dytë në Moskë, presidenti kinez u takua edhe me kryeministrin rus Mikhail Mishustin.
Ndërsa në Kremlin, ai u prit me një tapet të kuq nga homologu Vladimir Putin. Sot zhvillohet raundi i dytë i bisedimeve mes dy liderëve ku në fokus është plani kinez që synon të vendos paqen më Ukrainën. Shtëpia e Bardhë i ka bërë thirrje presidentit kinez që t’i kërkojë Putin të largojë trupat ushtarake nga Ukraina.
Në përfundim të takimit do të ketë edhe një deklaratë për mediat e cila do të zbardh se cfarë diskutuan konkretisht dy presidentët, ku pervec Ukraines pjese e bisedes jane edhe raportet ekonomike.
BBC ka publikuar dhe një disa nga çështjet kryesore që mund të bisedojnë dy presidentët.
Ukraina: Pushtimi i Rusisë dhe propozimi 12-pikësh i paqes i Kinës për t’i dhënë fund luftimeve, të cilat zëdhënësi i Kremlinit Dmitry Peskov tha më herët se ishte diskutuar tashmë nga udhëheqësit ditën e djeshme, megjithëse nuk dha detaje.
Lidhjet ekonomike: Rusia është një burim nafte për ekonominë e madhe të Pekinit dhe shihet si një partner për t’i bërë ballë SHBA-së. Xi ka premtuar tashmë se Kina ka në plan të “vazhdojë t’i japë përparësi partneritetit strategjik” me Moskën
Tregtia: Mbështetja e Kinës për Rusinë aktualisht bazohet në teknologjinë dhe tregtinë – frika në Kiev është se kjo mund të kthehet në ushtri, duke përfshirë potencialisht predhat e artilerisë. Qeveritë perëndimore e kanë paralajmëruar vazhdimisht Kinën që të mos furnizojë Rusinë me armë.
SHBA, Britania dhe aleatët paralajmërojnë: Modelet e reja të AI-së po rrisin rrezikun e sulmeve kibernetike
U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
Më afër se Hëna, një asteroid “krejtësisht i padëmshëm” së shpejti do të kalojë pranë Tokës
- 18:25 Pse vala vdekjeprurëse e të nxehtit në Evropë nuk është për shkak të një fenomeni natyror të motit
- 18:18 BE-ja shkurton afatin e pranimit të Ukrainës për shkak të rezistencës hungareze
- 18:14 Sanchez hedh poshtë kritikat për korrupsion
- 18:11 SHBA, Britania dhe aleatët paralajmërojnë: Modelet e reja të AI-së po rrisin rrezikun e sulmeve kibernetike
- 18:02 ISHP: Kujdes nga vapa, ja problematika shëndetësore që shkakton
- 17:55 Haziri: Vjosa Osmani mbetet emri i vetëm i LDK-së për presidente, askush mbi Republikën