Putin sulmon SHBA-të, mbron Iranin: E tmerrshme ajo që po ndodh në Izrael

Presidenti rus Vladimir Putin ka thënë se ajo që po ndodh në Izrael është “e tmerrshme”. Ai u bëri thirrje të dyja palëve që të minimizojnë vdekjet e civilëve.

Duke folur në një konferencë në Moskë, Putin akuzoi SHBA-të për nxitje të tensionit.

“Unë nuk e kuptoj pse Shtetet e Bashkuara po sjellin grupe aeroplanmbajtëse në rajon”, tha ai – duke iu referuar SHBA-së që dërgoi ndihmë ushtarake shtesë në Izrael.

Putin shtoi se sugjerimet se Irani mund të ketë qenë i përfshirë në sulmin nga Hamasi ishin “të pabaza”.

Edhe vetë Irani “festoi” sulmin e Hamasit ndaj Izraelit, por lideri i tij suprem mohoi të martën që vendi i tij të jetë i përfshirë.

Teherani ka qenë një nga sponsorët kryesorë të Hamasit për shumë vite, duke i ofruar ndihmë financiare dhe armë.

Shumë ekspertë, përfshirë dhe Presidentin e Polonisë kanë sugjeruar se Putin mund të përfitojë nga kriza në Izrael, duke shpresuar se mund të tërhiqte vëmendjen nga lufta në Ukrainë.

Megjithëse Sekretari i Mbrojtjes i Mbretërisë së Bashkuar, Grant Shapps tha se nuk kishte “asnjë shans” që Perëndimi të hiqte fokusin nga lufta në Ukrainë.

LEXONI GJITHASHTU:

• Lufta Izrael-Hamas, parashikimi i ekspertëve: Si mund t’i jepet fund konflikit
• Erdogan sulmon Izraelin: Po sillen si organizatë e jo si shtet
• Izraeli godet brenda territorit libanez pas lëshimit të raketave antitank