Presidenti rus Vladimir Putin ka thirrur në një takim urgjent gjeneralët e lartë të ushtrisë për diskutuar lidhur me strategjitë kundër forcave ukrainase që pushtuan rajonin e Kurskut në fillim të këtij muaji.
Zyra e shtypit e Kremlinit nuk publikoi detaje rreth asaj që u diskutua, por në një njoftim për mediat thuhet se Putin dëgjoi përditësimet me telefon nga komandantët e trupave në Ukrainë.
Gjithashtu të shtunën, Ministria e Mbrojtjes e Rusisë publikoi pamjet e asaj e një helikopteri Ka-52 që Pretendohet se sulmon pozicionet ukrainase në Kursk.
Ministria e mbrojtjes ruse nuk dha detaje rreth operacionit ushtarak për të larguar forcat e Ukrainës nga rajoni kufitar.
Ukraina nisi ofensivën e papritur në Kursk më 6 gusht. Sipas ushtrisë Ukrainase qëllimi i inkursionit ishte krijimi i një zone tampon për të parandaluar sulmet e mëtejshme nga Rusia në territorin ukrainas.
Në një fjalim për të shënuar Ditën e Pavarësisë në kryeqytetin Kiev, presidenti ukrainas Volodymyr Zelenskyy theksoi vendosmërinë e vendit të tij për të rifituar “integritetin territorial”. Ai tha se Kievi do të bënte gjithçka për të larguar Rusinë nga Ukraina.
LEXONI GJITHASHTU:
- Analiza: Vizita e Putin në Azerbajxhan sinjalizon ndikimin në rënie të Rusisë në…
- Putin i kërkon ndihmë Çeçenisë, Kadyrov: Gati 47 mijë luftëtarë
