Presidenti rus, Vladimir Putin ka zhvilluar takime me zyrtarë të lartë ushtarakë që mbikëqyrin luftën në Ukrainë.

“Të premten, presidenti e ka kaluar gjithë ditën me stafin ushtarak të përfshirë në operacionin special në Ukrainë”, është thënë në deklaratën e Kremlinit, duke iu referuar luftës, shkruan REL.

Sipas Kremlinit, Putin ka pasur takim me ministrin rus të Mbrojtjes, Sergei Shoigu dhe shefin e Shtabit të Përgjithshëm të ushtrisë ruse, Valery Gerasimov, si dhe ka mbajtur takime ndaras me komandantët e rajoneve të ndryshme.

“Dua të dëgjoj propozimet tuaja lidhur me aksionet në periudhë afatshkurtër dhe afatmesme”, është dëgjuar të ketë thënë Putin në televizionin shtetëror.

Rusia ka nisur sulme të reja të premten në Ukrainë, duke e dëmtuar rëndë infrastrukturën energjetike të këtij shteti.

LEXONI GJITHASHTU

• Paralajmërimi i Zelensky-t: Rusia mund të kryejë sulme më të rënda kundër Ukrainës

• Luftë raketash në qiellin e Ukrainës, qytetet mbeten pa energji elektrike dhe ujë

• Qyteti i dytë më i madh i Ukrainës pa energji pas bombardimeve ruse