Putin, Trump dhe kryeministri kinez do të marrin pjesë në samitin e 47-të të ASEAN

Presidenti i Rusisë, Vladimir Putin, presidenti i SHBA-së, Donald Trump, dhe Kryeministri i Këshillit Shtetëror të Kinës, Li Qiang, do të marrin pjesë në Samitin e 47-të të Shoqatës së Kombeve të Azisë Juglindore (ASEAN), i cili do të zhvillohet muajin e ardhshëm në Kuala Lumpur. Lajmi u bë i ditur nga agjencia e lajmeve Bernama, duke cituar kryeministrin e Malajzisë, Anwar Ibrahim, i cili është gjithashtu kryesuesi i ASEAN për vitin 2025.

Në këtë ngjarje të nivelit të lartë pritet të marrin pjesë edhe presidenti i Brazilit, Luiz Inacio Lula da Silva, si dhe presidenti i Afrikës së Jugut, Cyril Ramaphosa, të cilët kanë konfirmuar pjesëmarrjen e tyre.

ASEAN është një organizatë rajonale e themeluar në vitin 1967 dhe përfshin dhjetë vende anëtare të Azisë Juglindore: Brunei, Kamboxhia, Indonezia, Laosi, Malajzia, Mianmari, Filipinet, Singapori, Tailanda dhe Vietnami. Në fillim të vitit 2025, Malajzia mori presidencën e radhës të ASEAN nga Laos.

LEXONI GJITHASHTU:

• Orban akuzon Von der Leyen: Po e çon BE-në drejt ‘humnerës’
• Rritet numri i dënimeve me vdekje për shikimin e filmave të huaj në Korenë e Veriut