Qafoku komenton protestën e Berishës: Rënie drastike, revolucioni u ftoh

Rënie drastike, ftohje dhe mungesë mbështetje, ishin fjalët me të cilat gazetari Roland Qafoku përshkroi protestën e mbajtur nga opozita këtë të premte përballë Kryeministrisë.

I ftuar në Euronews Albania, gazetari bëri një panoramë të 4 protestave të fundit të Berishës, ku sipas tij, kjo e fundit dëshmon se nuk ka më besueshmëri te revolucioni i Berishës.

“Unë kam nxjerrë 4 protesta të opozitës, protesta e parë 7 Korrikut, e dyta në 12 Nëntor, e treta në 9 Shkurt, dhe 3 Marsi. Janë katër protesta në pak muaj dhe kemi një rënie drastike ose një ftohje të asaj që u quajt një revolucion, një uragan që do e marri përpara Ramën e gjithë stafin e tij. Sot u konfirmua edhe një herë që ka probleme ajo që quhet lëvizja më e madhe sipas Partisë Demokratike. Një orë zgjati e gjitha mjafton ky element për ta kuptuar. Edhe fjalimi i Berishës ishte shumë i shkurtër në krahasim me protestat e tjera. Më e rëndësishme se kaq është se ka një ftohje të gjithë kësaj, nuk ka besueshmëri. Herën e kaluar thamë në këtë studio, “Tirana ku është?”, sot nuk mungonte vetëm Tirana ishin “kafshuar” shumë pjesë edhe nga rrethet. E shikoj si një ftohje dhe mungesë mbështetje”, tha Roland Qafoku për Euronews.

LEXONI GJITHASHTU:

• “Luizi kryeministër”-Spahiu për dronin në protestë: Mungesë lideri brenda opozitës
• Droni me imazhin e Luiz Ejllit fluturon mbi kokat e protestuesve demokratë (Mesazhi)
• Pas mbylljes së protestës së Berishës, Operacionalja “rrethon” Gjykatën e Apelit