Qafoku: Të shkarkohen policët që dekonspirojnë

Pedagogu Roland Qafoku në një intervistë për Euronews Albania theksoi se SPAK po bën atë që se ka bërë asnjë institucion në këto 34 vjet.

Ai shtoi se SPAK nuk mund të hetojë normalisht kur në dosje dalin zyrtarë të lartë policie që pengojnë hetimin.

Sipas tij të gjithë policët që dekonspirojnë duhet të shkarkohen.

“SPAK po bën atë që se ka bërë asnjë institucion në  këto 34 vjet. Ne kemi mazhorancë dhe qeveri, kemi dhe opozitë kemi dhe SPAK që ndikon drejtpërdrejt në politikë. SPAK e ka tronditur fortë politikën.

Dumani tha  kanë të dhëna që oficerë policie të nivelit lokalë dhe në qendër, në kupolën e policisë së shtetit që janë të lidhur me krimin dhe arrijnë të pengojnë hetimin. Kjo është  një këmbanë alarmi për të larguar nga radhët e saj ata oficerë policie që janë të lidhur me krimin.

Si mund të hetojë SPAK normalisht, kur në dosje del një oficer i lartë policie që pengon hetimin. Ai i jep informacion organizatës kriminale për të cilën ai paguhet. Policia nuk është e korruptuar dhe nuk është e lidhur me krimin. Sot ata kanë guximin që të largojnë nga radhët e policisë së shtetit të gjithë Shqipërinë”-tha ai.

LEXONI GJITHASHTU: 

• Gripi i shpendëve, Tomini: Ka aftësinë të kalojë edhe te njeriu
• Lexohen raportet për Xhaçkën, Bardhi: Nëse heshtni sot, hodhët në kosh Kushtetuesen