Efektivi i policisë që u përplas mbrëmjen e djeshme nga një makinë “Range Rover” në Durrës, ndodhet në gjendje më të mirë shëndetësore.
Gazetarja e Euronews Albania, Kloida Gjuzi raporton se efektivi ndodhet në spitalin e Durrësit, në pacionin e kirurgjisë.
Gazetarja sqaroi se Hysen Pici, shoferi i “Range Rover” përplasi efektivin bashkë me një koleg të tij, pasi po ecte në sens të kundërt lëvizjeje.
Më pas, Pici qëlloi me armë zjarri dhe u largua nga mjeti i tij. Në këto momente edhe efektivët e policisë qëlluan me armë, në tentativë për ta ndaluar.
Pici mundi të largohet, duke vrapuar në rrugicat e lagjeve, por u arrestua pak minuta më vonë. Atij i është sekuestruar edhe pistoleta që kishte. Mësohet Pici ka qenë në gjendje të dehur.
LEXONI GJITHASHTU:
- VIDEO | Momenti kur drejtuesi i “Range Rover” largohet pasi plagos efektivët
- VIDEO | Të shtëna me armë në Durrës, “Ranger Rover” përplas dy efektivë policie
