Qindra familje në Nartë pa ujë prej muajsh, situata jashtë kontrollit

Furnizimi me ujë në rrjetin hidrik për banorët e Nartës është kthyer në sfidë të përditshme. Prej kohësh ata vuajnë mungesën e ujit në shtëpitë e tyre. Kjo situatë vështirëson jetesën në një kohë kur temperaturat janë të larta dhe nevojat për ujë janë jetike. Me qindra familje të Nartës ngrënë shqetësimin e mungesës së ujit, duke I detyruar që shumica ta blejë ose ta mbushë në zonë të tjera.

“Një muaj kam pa ujë, jam e sëmurë me zemër, të ketë turp shteti jonë që ujë derdhet në det dhe ne nuk kemi ujë. Kunata ka 1 muaj e 5 ditë pa ujë fare, mall kemi bërë aty nga një pus për të larë banjën. Turp është. Ja solla karrocën për të marrë bidonë, t’i ble, turp, po çfarë të bëj, kush do ma sjellë një jetë me ujë, s’u ngopën. Kur ka ujë, s’ka drita, kur ka drita, s’ka ujë”, thotë një grua.

“Problem e kemi natë e ditë pa ujë. Blejmë ujë për të larë, për të pirë, për gatim. Po çfarë të bëj, rri dot pa ujë? Kjo belua, ujë e shkretë, sa herë do blej. Ka njeri të sëmurë. Kështu ishte dhe dje, sot nuk erdhi ujë”, shprehet një tjetër.

Probleme me furnizimin me ujë ka i gjithë qarku i Vlorës, ku të shumtë janë qytetarët ankohen për mungesën e ujit. Banorët e Nartës kërkojnë një zgjidhje urgjente nga institucionet përgjegjëse, ndërsa shpresojnë që ky problem të mos lihet në harresë. Për ta, mungesa e ujit nuk është vetëm një problem teknik, por një krizë që ndikon direkt në cilësinë e jetesës.