Qindra shoferë bllokohen në Athinë nga stuhia e dëborës

Me qindra drejtues automjetesh të bllokuar në autostrada në kryeqytetin e Greqisë, Athinë janë shpëtuar nga ndërhyrja e shpejtë.

Ata u bllokun nga një stuhi dëbore që ka prekur të gjithë Mesdheun.

Më shumë se 3 500 persona u shpëtuan të hënën por rreth 300 shoferë mbetën të bllokuar gjatë natës në autostradën Attiki Odos.

Një pjesë e mirë e Athinës mbeti pa furnizim me energji elektrike.

Autoritetet thonë se stuhia e quajtur Elpida, do të vazhdojë deri të mërkurën.

Gjatë natës temperatura arrit deri në -14 C.

Zëdhënësi i qeverisë, Giannis Oikonomou thotë se vendi është në një “fazë të vështirë” pasi moti pritet të vazhdojë të jetë i acartë.

Ministri i Mjedisit, Christos Stylianides ia vuri fajin kompanisë së menaxhimit për bllokimin e autostradës.

Zyrtarët në Athinë e kanë shpallur të martën ditë pushimi ndërsa zyrat publike dhe private do të jetë të mbyllura përveç supermarketeve, farmacive dhe pikave të karburantit.