“Qytetarët të tërhiqen”, Studentët në Beograd njoftojnë mbylljen e protestës

Turma në Sheshin Sllavija të Beogradit është shpërndarë, pasi studentët që organizuan protestën, njoftuan se ajo ka përfunduar.

“Protesta e studentëve po përfundon. Rojet tona i kanë hequr jelekët. U bëjmë thirrje qytetarëve që të tërhiqen”, shkruan organizatorët në rrjetet sociale.

Grupi i quajtur “Studentët 2.0”, që i kundërshton ata, raportohet të ketë gjuajtur me gurë dhe shishe në drejtim të tyre.

Qytetarët e tubuar në Sheshin Sllavija të Beogradit mbajtën në orët e mbrëmjes 15 minuta heshtje për 15 viktimat e tragjedisë në Novi Sad. Në këtë qytet të Serbisë, 15 njerëz humbjen jetën nga shembja e një strehe në stacionin hekurudhor, më 1 nëntor të vitit të kaluar.

Kërkesë kryesore e protestuesve është përgjegjësia politike dhe penale për tragjedinë në Novi Sad.

LEXONI GJITHASHTU:

• “S’do të lejomë të na privohet liria”, Mijëra qytetarë protestojnë në Beograd
• Numri i civilëve të vdekur nga përleshjet në Sirinë perëndimore arrin në 1500