Qytetarët votojnë edhe në kutitë e Exit Poll të Euronews Albania dhe MRB

Euronews Albania dhe kompania e MRB po zhvillon një exit poll pranë qendrave të votimit, ku qytetarët po shprehin vullnetin e tyre për zgjedhjet e 25 prillit.

Ky exit poll ka nisur që nga 07:00 e mëngjesit dhe do të vijojë deri në 19:00 të mbrëmjes, ku qytetarët po votojnë në kutitë e Euronews Albania, të cilat janë vendosur pranë qendrave të votimit.

Ky exit poll është shtrirë në 12 qarqet e vendit, ku në fund pritet të dalë një prirje e votës së qytetarëve për zgjedhjet e 25 prillit.

Gazetari Ardit Hoxha raportoi nga liceu artistik “Jordan Misja” në Tiranë ku tha se deri më tani ka pasur një pjesëmarrje relativisht të lartë që qytetarëve që kanë marrë pjesë në exit poll.