Qyteti sirian i shkatërruar nga tërmeti, banorët e Xhindires pa strehë dhe ushqime

Ky është qyteti Xhindires, në veri-perëndim të Sirisë dhe i kontrolluar nga rebelët që prej 12 vjetësh kundërshtojnë qeverinë siriane.

Ai është shkatërruar tërësisht nga tërmeti, por 10 ditë nga tragjedia, ndihmat humanitare janë ende të paarritshme.

Drejtori i përgjithshëm i OBSH-së, që ka vizituar zonën, ka deklaruar se ka shumë punë për të bërë.

“Fatkeqësisht sirianët po përballen me mot të acartë pa strehime të përshtatshme, pa ushqime, ujë të pijshëm dhe pa medikamente. Faza e kërkim-shpëtimit po i afron fundit, por për këtë rajon detyra për të shpëtuar jetë sapo ka filluar”, tha Tedros Adhanom Ghebreyesus, drejtor i përgjithshëm i OBSH-së.

Në këtë spital në veri-perëndim të Sirisë ka shumë fëmijë të lënduar nga tërmeti. Ata janë të vegjël që kanë njohur luftën dhe tani po njohin dramën e tërmetit.

OKB ka bërë gjithashtu një apel për grumbullimin e 400 milionë dollarëve për të ndihmuar rreth 5 milionë persona në Siri që kanë nevojë për strehim, mjekim dhe ushqim për 3 muajt e ardhshëm.

LEXONI GJITHASHTU:

• VIDEO/ “Nuk m’u shemb asnjë pallat”- ndërtuesi turk: Më vendosën gjobë, më thoshin…
• Studentët mbledhin ndihma për të prekurit nga tërmeti në Turqi dhe Siri