Vendet e rajonit po lehtësojnë burokracitë, procedurat dhe nxisin financiarisht vendosjen e paneleve të prodhimit të energjisë elektrike për konsum vetjak nga bizneset dhe familjarët.

Maqedonia e Veriut hoqi kërkesën për marrjen e lejes për vendosjen e paneleve me kapacitet 6 kilovat në banesat vetjake dhe deri në 40 kilovat në godinat e bizneseve. Amendimi heq kufirin minimal të kapacitetit prej 1 megavat.

Në Bosnje po diskutohen të njëjtat lehtësi, ndërsa Kroacia dhe Mali i Zi po mendojnë heqjen e TVSH-së për panelet e prodhimit të energjisë diellore.

Serbia ka ngritur një skemë subvencionimi për familjet dhe bizneset, duke premtuar mbulimin e shpenzimeve të instalimit të tyre deri në 50 për qind për bizneset e vogla dhe familjarët.

LEXONI GJITHASHTU:

• Dielli si shpëtim për bizneset, mungojnë incentivat për panelet fotovoltatike
• Rama u drejtohet bizneseve: Filloni të prodhoni energji diellore