Raketat Javelin, avokati serb: SHBA s’po e llogarit më Vuçiç si faktor në Ballkan

Avokati serb Çedomir Stojkoviç ka mirëpritur kërkesën e Kosovës për blerjen e raketave antitank “Javelin” nga Shtetet e Bashkuara të Amerikës.

Ai në një postim në Twitter ka shkruar se ky është një sinjal i qartë se SHBA nuk llogarit më te presidenti i Serbisë Aleksandër Vuçiç si faktor në Ballkan.

“Dy vjet më parë, menjëherë para pushtimit të Ukrainës, për të cilin Putin e  informoi në vitin 2021, Aleksandwr Vuçiç shpenzoi dhjetëra milionë euro për tanket ruse, me të cilat donte të realizonte skenarin e Donbasit në veri të Kosovës, në Bosnje dhe Hercegovinë, sapo Putin të pushtonte Kievin. Tani SHBA po i jep Kosovës një të paarritshme për ato tanke – sistemin raketor Javelin”, ka shkruar ai.

Stojkoviç thotë në vend të Vuçiç, pajisjet ushtarake amerikane sikurse ato  “Javelin” po bëhen faktor i paqes në Ballkan.

LEXONI GJITHASHTU:

Vuçiç: Amerikanët do t’i shesin Prishtinës raketahedhës Javelin

DASH: Vlera e raketave kundërtanke që Kosova kërkon të blejë është 75 mln dollarë