Rama: Franca do të përfshihet në ndërtimin e hekurudhës Durrës-Prishtinë

Kryeministri Edi Rama, gjatë një konference me presidentin francez, Emmanuel Macron, ka deklaruar se Franca do të përfshihet në ndërtimin e hekurudhës Durrës-Prishtinë.

Rama theksoi se ka pasur biseda me Macron për mundësinë e përfshirjes së Francës në këtë projekt dhe se do të shqyrtohen më tutje mundësitë për realizimin e këtij synimi.

“Kemi folur me presidentin për mundësinë e përfshirjes së Francës në ndërtimin e hekurudhës Durrës-Prishtinë dhe do të shikojmë më tutje në komunikimet e drejtpërdrejta se si mund të realizohet përfshirja e Francës”, tha Rama.

Ai po ashtu theksoi se Franca është e angazhuar për të mbështetur projekte të tjera në Shqipëri që prekin energjinë e rinovueshme dhe turizmin e qëndrueshëm.

Rama shtoi se një tjetër fushë e rëndësishme e bashkëpunimit është administrimi i ujërave, duke theksuar se Franca është një lider në këtë fushë, me eksperiencë dhe kompani që operojnë në të gjithë botën. Ai gjithashtu theksoi se për mbetjet, Shqipëria po punon për të pasur një plan të përgjithshëm të bazuar në hapa konkretë dhe strategji, pasi ky është një kapitull i rëndësishëm në negociatat me BE-në.

Në vijim, kryeministri shqiptar theksoi se Shqipëria e ndjen Francën shumë afër në procesin e saj të anëtarësimit në BE, dhe se rajoni ka fituar një mbështetës të fortë dhe besnik në të gjitha proceset transformuese.

Franca do ndërtojë hekurudhën Durrës-Prishtinë? Rama jep lajmin e mirë pic.twitter.com/xOvPGOf32y

— Euronews Albania (@EuronewsAlbania) May 17, 2025

LEXONI GJITHASHTU:

• Macron thirrje Trumpit nga Tirana: Duhet presion ndaj Putinit, po tregohet cinik
• Macron uron Ramën për fitoren në zgjedhjet e 11 majit: Franca do të jetë krah jush