Rama: I dimë ata që po e luftojnë projektin e “Porto Romanos”

Gjatë mbledhjes së Grupit Socialist, kryeministri Edi Rama u ndal te projekti i “Porto Romanos”, duke e përshkruar ndërtimin e portit të ri si një nga proceset më të ndërlikuara. Ai theksoi se projekti ka shkaktuar xhelozi dhe armiqësi nga disa vende të tjera dhe u shpreh me një paralajmërim të qartë ndaj atyre që po përpiqen ta bllokojnë.

“Nuk dua të flas më shumë, por diçka po e them. Ata që e luftojnë projektin dhe nuk po lënë gurë pa lëvizur që ta bllokojnë, ne e dimë kush janë. Dhe i kanë bërë llogaritë gabim, sepse projekti do të bëhet. Unë nuk kam plan B vetëm për Bashkimin Evropian. Për çdo gjë tjetër jam tek C-ja”, tha Rama.