“Rama kërkon të caktojë përfaqësuesit e opozitës”, Berisha paralajmëron protesta

Sali Berisha paralajmëroi këtë të premte protesta nga opozita por pa dhënë një datë konkrete.

Ai komentoi edhe përplasjet e një dite më parë në parlament duke thënë se kryeministri Rama kërkon që të caktojë përfaqësuesit e opozitës në komisionin e posaçëm të Reformës Zgjedhore.

“ Akti i djeshëm në Parlament përbënte atentatin më të shëmtuar të narko-shtetit ndaj pluralizmit parlamentar në 32 vite. Rama tregoi se nuk pranon pluralitetin e vërtetë në Parlament dhe në një akt të pashembulltë merr përsipër ti caktojë opozitës përfaqësuesin që do ai siç bëri në zgjedhjet e 14 majit me kryetarin e koalicionit. Të gjitha këto janë çështje thelbësore që opozita do t’u përgjigjet.  Thelbi është me protesta të fuqishme dhe përpjekje të tjera komplekse.  Në 2021 nuk u bë betejë pas zgjedhjeve, e vetmja betejë ishte ajo për të qeverisur së bashku Rama me pengun e tij Lul brava.  Nuk do ta njohim një akt që përjashton opozitën, nuk do të njohim kurrë një kryetar që e cakton Edi Rama, por përgjegjësia do të bjerë mbi ata që do të çojnë vendin drejt destabilizimit. Nuk ka shqiptar, në 600 mijë që kanë votuar kundër qeverisë, nuk janë as 10 që mund të pranojnë që përfaqësuesin e tyre ta caktojë Rama. ne do të bëjmë gjithçka që ai të përballet me pasojat”- është shprehur Berisha.

LEXONI GJITHASHTU: 

• Gërvalla kundër Ramës: Duhen deklarata më të matura, jo të hapim probleme
• “S’ka negociata pa ndëshkimin e Serbisë”, Gërvalla: Nuk na duhet dialog sa për foto