Rama mbledh Kryesinë, gazetarja jep detajet

Kryeministri Edi Rama këtë të mërkurë ka mbledhur Kryesinë e Partisë Socialiste.

Gazetarja Eksiola Shehu tregoi qëllimin dhe axhendën e kësaj mbledhjeje, duke thënë se ky takim ka për qëllim organizimin e strukturës së Partisë Socialiste.

“Kjo mbledhje ka për qëllim organizimin e strukturës së kësaj partie, pasi kjo forcë politike këtë vit do të jetë në një vit zgjedhor. Në muajin maj-qershor priten të zgjidhen kryetarët e degëve të PS, të organizatave socialiste, dhe më pas të ketë në nëntor kongresin zgjedhor ku do të zgjidhen edhe strukturat e tjera, për shkak se të gjitha hallkat, që nga Kongresi, Asambleja dhe Kryesia e PS, është më shumë se e dy viteve më parë”, u shpreh gazetarja.