Kryetari i PS Edi Rama gjatë një takimi me të rinjtë socialistë në Kamëz, në kuadër të fushatës elektorale tha se kjo bashki ka ndryshuar shumë, por ka humbur shumë vite duke votuar qorrazi për një parti.

Sipas tij, Kamza do të ishte sot më e zhvilluar në të gjitha drejtimet nëse qytetarët nuk do ta hidhnin votën si tifozë të një skuadre futbolli.

“Sot jemi 2 vite mbrapa dhe gjithçka, ngado të shohësh dhe në çdo drejtim të kërkosh gjen se është ku e ku me çfarë ishte. Kupton se sa shumë vite u humbën qorrazi, se sa shumë vite u humbën nga besnikëria e verbër ndaj një partie, a thua se vota është një biletë për të shkuar në stadium dhe a thua se besimi për t’ia dhënë votën dikujt, është një fanellë tifozi për një skuadër”, tha Rama.

LEXONI GJITHASHTU:

• Edi Rama për reformën në drejtësi: Dumani burrë i ndershëm, ia dhashë unë shpatën
• A e kalon dot oqeanin? Rama i përgjigjet ndjekësve: Sa herë të dua