Rama mes tensioneve Kosovë-Serbi, Kadilli: Mision nga ndërkombëtarët ose…

Ish-kandidati për kryetar i Partisë Demokratike, Fatbardh Kadilli tha në “Now me Erla Mëhillin” se nuk e kupton qasjen e Ramës në situatën e tensionuar mes Kosovës dhe Serbinë pasi për momentin ka shumë pak informacion.

Ai renditi tre alternativa që mund ta kenë pozicionuar kryeministrin e Shqipërisë në vendin që është aktualisht.

“Nga informacionet që kemi është shumë e vështirë të themi nëse është protagonizmi i tij i sëmurë që vetëofrohet për shërbime, është vazhdim i projektit të vjetër të 2012-13 në vazhdim ku ai dhe Thaçi kanë qenë në dakordësi, apo ia kanë kërkuar si detyrë shtëpie ndërkombëtarët,” – u shpreh Kadilli.

Ai shtoi se me zhvillimet e një jave nuk mund të gjykosh më gjatë, ndërsa shtoi se një javë më pas ndoshta mund të ketë zhvillime të tjera që do të japin një panoramë më të plotë.

LEXONI GJITHASHTU:

• Borrell organizon takim krize mes Kosovës dhe Serbisë javën e ardhshme
• Lajçak: S’duam Ukrainë tjetër, po punojmë për të qetësuar situatën në Kosovë