Rama: Njohja e patentave në Gjermani falë reformave në shërbimin e transportit

Kryeministri Edi Rama e ka cilësuar njohjen e patentave shqiptare në Gjermani, si një besueshmëri të autoriteteve gjermane ndaj atyre shqiptare, falë transformimit të ndodhur në vendit tonë në sektorin e shërbimit të transportit.

Në një konferencë me gazetarët në Berlin, Rama u shpreh Gjermania ishte skeptike në fillim, por pasi inspektorët e Ministrisë gjermane të Transportit erdhën në Tiranë, ndryshuan opinion dhe panë transformimin e kryer.

“Është domethënëes për faktin e një transformimi të madh që ka ndodhur në Shqipëri, pasi njohja e patentës lidhet me të gjitha procesin e nxjerrjes së një patente, pra me besueshmërinë e procesit. Kur ne e kemi ngritur këtë çështje në fillim, pala gjermane ka qenë shumë skeptike sepse e njihte shumë mirë realitetin në Shqipëri. Por, kur inspektorët e Ministrisë së Transportit të Gjermanisë kanë ardhur në Tiranë, kanë ndryshuar opinon duke parë se çfarë transformimi ka ndodhur në të gjithë strukturën e shërbimit të tramsportit. Kemi marrë komplimente nga pala gjermane sepse kemi krijuar një system ultra modernt në shërbimet e transportit”, tha kreu i qeverisë.

Rama nënvizoi se njohja e patentave në Gjermani është një lloj çertifikate e rëndësishme përsa i përket procesit të shtetformimit, shtetndërtimit dhe shtetfunksionimit në këtë sektor.

LEXONI GJITHASHTU

• Gonxhja: Patentat shqiptare njihen në Gjermani brenda prillit